თავმოყვარეობა რომ ჰქონდეს, გინდაც გორის პოლიციის, გინდაც რესპუბლიკის ხელმძღვანელობას, განცხადება უკვე უნდა ჰქონდეთ დაწერილი გადადგომაზე, - ამის შესახებ "ლელო-ძლიერი საქართველოს" წევრმა, ვატო სურგულაძემ განაცხადა, რომელიც გორში პოლიციელების მიერ მოქალაქეების ცემას აპროტესტებს.

სურგულაძის თქმით, როგორც გორში, ისე თბილისში არსებული ხელმძღვანელობა პოლიციელებს მოქალაქეების მიმართ ძალადობრივი ქმედებების საშუალებას აძლევს.

„ხელმძღვანელობამ, ვინც ზის არამარტო აქ, არამედ თბილისშიც, მისცა უფლება, როგორც გინდა ისე მოიქეცით, ნელა-ნელა კი არა, სწრაფად-სწრაფად, ჩვენი პოლიცია სიკვდილის ესკადრონებს ემსგავსება. თავმოყვარეობა რომ ჰქონდეს, გინდაც გორის პოლიციის, გინდაც რესპუბლიკის ხელმძღვანელობას, განცხადება უკვე უნდა ჰქონდეთ დაწერილი გადადგომაზე. ამას არ გააკეთებენ, რადგან მაგათი ნებართვითაა ეს ყველაფერი, - განაცხადა სურგულაძემ.