ვგმობთ რუსეთის დაუდევრობას და ნატო გააგრძელებს თავდაცვის გაძლიერებას ყველა საფრთხისგან, მათ შორის დრონებისგან, - ამის შესახებ ნატო-ს პრესსპიკერი ალისონ ჰარტი სოციალურ ქსელში წერს.

„დღეს დილით ადრე, რუმინეთში, საცხოვრებელ კორპუსს დრონი მოხვდა მაშინ, როდესაც რუსეთმა საზღვართან ახლოს უკრაინის ინფრასტრუქტურაზე თავდასხმა განახორციელა“, - წერს ალიანსის პრესსპიკერი.

მისი ინფორმაციით, ნატო-ს გენერალური მდივანი მარკ რუტე კონტაქტზეა რუმინეთის ხელისუფლებასთან.

„ნატო-ს გენერალური მდივანი მარკ რუტე კონტაქტზეა რუმინეთის ხელისუფლებასთან. ჩვენ ვგმობთ რუსეთის უგუნურებას და ნატო გააგრძელებს თავდაცვის გაძლიერებას ყველა საფრთხისგან, მათ შორის დრონებისგან“, - წერს ალიანსის პრესსპიკერი.