რუსეთის მიერ რუმინეთში დრონებით უგუნური შეჭრა კიდევ ერთხელ აჩვენებს რუსეთის მზაობას, მოახდინოს სიტუაციის ესკალაცია, - ამის შესახებ გერმანიის კანცლერი ფრიდრიხ მერცი სოციალურ ქსელში წერს.

„გერმანია ჩვენს ნატო-ელ მოკავშირეებთან ერთად დგას. ინციდენტი კიდევ ერთხელ ხაზს უსვამს აღმოსავლეთ ფლანგზე ნატო-ს ძლიერი პოზიციის საჭიროებას. მზად ვართ დავიცვათ მოკავშირეთა ტერიტორიის ყოველი ინჩი“, - აცხადებს ფრიდრიხ მერცი.

რუმინეთის ტერიტორიაზე რუსული დრონის შეჭრას ეხმიანება გერმანიის საგარეო საქმეთა მინისტრმა იოჰან ვადეფულიც.

„ჩვენი პასუხი ერთიანობაა. ჩვენ რუმინეთის გვერდით ვდგავართ. გავაგრძელებთ ევროპული თავდაცვის გაძლიერებას ნატო-ში“, - აცხადებს გერმანიის საგარეო უწყების ხელმძღვანელი.