რუსეთის მიერ ნატო-ს საჰაერო სივრცის დარღვევა რუმინეთში საცხოვრებელ კორპუსზე დარტყმით უკიდურესად სახიფათო და უგუნური საქციელია, - ამის შესახებ გაერთიანებული სამეფოს საგარეო საქმეთა მინისტრი ივეტ კუპერი სოციალურ ქსელში წერს.

„გაერთიანებული სამეფო მკაცრად გმობს ამ სერიოზულ ესკალაციას, რომელიც ადამიანების სიცოცხლეს საფრთხეს უქმნის. კონტაქტზე ვარ რუმინეთის საგარეო საქმეთა მინისტრთან. გაერთიანებული სამეფო მტკიცედ დგას რუმინეთისა და ყველა მოკავშირის გვერდით, რათა დაიცვას ნატო-ს ტერიტორიის ყოველი ინჩი“, - აცხადებს ივეტ კუპერი.