ჩვენ ნატო-ს მოკავშირე რუმინეთის გვერდით ვდგავართ, - ასე გამოეხმაურა ნატო-ში აშშ-ის ელჩი, მეთიუ უიტაკერი რუმინეთის ტერიტორიაზე რუსული დრონის შეჭრას.

„ჩვენ ამ წინდაუხედავ შეჭრას ვგმობთ. ჩვენ ნატო-ს ტერიტორიის ყოველ სანტიმეტს დავიცავთ“, - წერს უიტაკერი X-ზე.

შეგახსენებთ, გასულ ღამეს რუსეთიდან გაშვებული დრონი რუმინეთის ქალაქ გალატში მაღალსართულიან საცხოვრებელ კორპუსს შეეჯახა. შეჯახების შედეგად ხანძარი გაჩნდა და ორი ადამიანი დაშავდა.

რუმინეთის თავდაცვის სამინისტრომ დაადასტურა, რომ კორპუსს რუსული დრონი შეეჯახა.