უკრაინის უპილოტო სისტემების ძალებმა რუსეთის ქალაქ ტაგანროგში ორი სამხედრო თვითმფრინავი და სარაკეტო სისტემა გაანადგურეს, - ინფორმაციას უკრაინული მედია ქვეყნის უპილოტო სისტემების ძალების მეთაურზე, რობერტ მადიარზე დაყრდნობით ავრცელებს.

რობერტ მადიარის ცნობით, უკრაინის უპილოტო სისტემების ძალებმა ღამით ტაგანროგის სამხედრო აეროდრომს დაარტყეს.

იერიშის შედეგად, „ტუ-142“-ის ტიპის ორი თვითმფრინავი და ერთი „ისკანდერის“ ტიპის სარაკეტო სისტემა განადგურდა.

შეგახსენებთ, გვიან ღამით დრონებით თავდასხმა ტაგანროგის საპორტო ინფრასტრუქტურაზეც განხორციელდა. თავდასხმის შედეგად პორტის ტერიტორიაზე ხანძარი გაჩნდა.