მნიშვნელოვანი მოლაპარაკებებისთვის ვემზადებით, - ამის შესახებ უკრაინის პრეზიდენტი, ვოლოდიმირ ზელენსკი სოციალურ ქსელში წერს.

ზელენსკი ცნობით, ეროვნული უსაფრთხოებისა და თავდაცვის საბჭოს მდივანთან რუსტემ უმეროვთან, პრეზიდენტის ადმინისტრაციის ხელმძღვანელთან კირილ ბუდანოვთან და ენერგეტიკის მინისტრთან დენის შმიგალთან შემდგომი ნაბიჯების შესახებ სპეციალური შეხვედრა გამართა.

ვოლოდიმირ ზელენსკიმ შეხვედრაზე განხილული სამი ძირითადი მიმართულება დაასახელა.

„პირველი - დიპლომატია. ჩვენ აშშ-ის პრეზიდენტის წარმომადგენლებთან და ჩვენს ევროპელ პარტნიორებთან თითქმის ყოველდღიურ კონტაქტში ვართ. მომავალი კვირებისთვის ჩვენი პრიორიტეტები განვსაზღვრეთ: ანტიბალისტიკური შესაძლებლობები, დრონების შესახებ შეთანხმებები და სხვადასხვა ფორმატის შეხვედრებისთვის მზადება. ჩვენ მნიშვნელოვანი მოლაპარაკებებისთვის ვემზადებით, მაგრამ ამ ეტაპზე, დეტალების გასაჯაროების გარეშე“, - წერს ზელენსკი X-ზე.

ასევე, ზელენსკის ცნობით, ჰუმანიტარულ და ენერგეტიკის სფეროში დახმარების საკითხებიც განიხილა.

„მეორე - ჩვენ ჰუმანიტარული მიმართულება და უკვე შეთანხმებული გაცვლები უნდა გავაგრძელოთ. მესამე - უკრაინის მხარდასაჭერად, მათ შორის ენერგეტიკის სექტორისთვის, ახალი გადაწყვეტილებები იქნება მიღებული. ჩვენ დეტალებს ვაზუსტებთ“, - აცხადებს უკრაინის პრეზიდენტი.