აშშ-ის ცენტრალური სარდლობის (CENTCOM) განცხადებით, მათმა საჰაერო თავდაცვამ წარმატებით ჩამოაგდო ირანული დრონები, რომელთა სამიზნე ქუვეითში აშშ-ის სამხედრო აქტივები იყო.

„ირანული დრონების მორიგმა ტალღამ, რომელიც ქუვეითში აშშ-ის ძალებზე თავდასხმას ცდილობდა, სამიზნეებზე თავდასხმა ვერ მოახერხა “, - განაცხადა CENTCOM-მა.

მათი ინფორმაციით, არცერთი ამერიკელი სამხედრო მოსამსახურე არ დაშავებილა და არცერთი აქტივი არ დაზიანებულა.

CENTCOM-მა მანამდე უარყო ინფორმაცია, რომ ირანმა ბაჰრეინში აშშ-ის მეხუთე ფლოტის შტაბბინასა და რეგიონში აშშ-ის საჰაერო ბაზაზე თავდასხმა განახორციელა და განაცხადა, რომ „ამერიკულ ძალებზე ირანის ყველა თავდასხმა ჩაიშალა“.