რუსეთში, სანქტ-პეტერბურგში ათობით დრონის თავდასხმის შედეგად ხანძარი გაჩნდა და ნავთობტერმინალი იწვის.

„ტელეგრამ“ არხების ცნობით, სანქტ-პეტერბურგის მაცხოვრებლებმა განაცხადეს, რომ ქალაქში აფეთქებების ხმები ისმოდა.

რუსული მედიის ცნობით, სანქტ-პეტერბურგის პულკოვოს აეროპორტში 10-ზე მეტი რეისი გადაიდო ან გაუქმდა.

მოგვიანებით, “ტელეგრამ“ არხმა Astra-მ დაადასტურა, რომ სანქტ-პეტერბურგში დრონით თავდასხმამ რუსეთის ჩრდილო-დასავლეთით მდებარე უდიდეს ნავთობგადამამუშავებელ კომპლექსში, „პეტერბურგის ნავთობტერმინალში“ ხანძარი გამოიწვია.

რუსული მედიისა და საზოგადოებრივი ჯგუფების ცნობით, დღეს ქალაქში სანქტ-პეტერბურგის საერთაშორისო ეკონომიკური ფორუმი (SPIEF) იხსნება, რომელსაც უცხოელი ბიზნესმენებიც დაესწრებიან.