Reuters - შუამავლებმა აშშ-სა და ირანს შორის დეესკალაციის მიზნით საკომუნიკაციო არხები შექმნეს
შუამავლებმა აშშ-სა და ირანს შორის დეესკალაციის მიზნით საკომუნიკაციო არხები შექმნეს, - ინფორმაციას Reuters-ი წყაროზე დაყრდნობით ავრცელებს.
გამოცემის ინფორმაციით, აშშ-ისა და ირანის ტექნიკური ჯგუფები ურთიერთგაგების მემორანდუმის განხორციელების მიზნით სამუშაოდ უახლოეს დღეებში დოჰაში შეხვდებიან.
წყაროს ცნობით, ტექნიკური მოლაპარაკებების ფარგლებში მხარეები ჰორმუზის სრუტის მართვისა და ბოლო რამდენიმე დღის განმავლობაში გაზრდილი დაძაბულობის დეესკალაციის საკითხებს განიხილავენ.
ცნობისთვის, აშშ-ის პრეზიდენტმა დონალდ ტრამპმა სოციალურ ქსელში დაწერა, რომ მხარეებს შორის შეხვედრა სამშაბათს, დოჰაში გაიმართება.
ასევე, თეთრი სახლის პრესსპიკერის, კეროლაინ ლევიტის ცნობით, დოჰაში დაგეგმილ მოლაპარაკებებში მონაწილეობას დონალდ ტრამპის სპეციალური წარმომადგენლები, სტივ უიტკოფი და ჯარედ კუშნერი მიიღებენ.
