მოლდოვის საკონსტიტუციო სასამართლომ გაგაუზიას არჩევნების დამოუკიდებლად ორგანიზების უფლება ჩამოართვა. ამის შესახებ ინფორმაციას ადგილობრივი მედია ავრცელებს.

კერძოდ, 9 ივლისს მოლდოვის საკონსტიტუციო სასამართლომ იუსტიციის სამინისტროს მოთხოვნასთან დაკავშირებით გადაწყვეტილება მიიღო და არაკონსტიტუციურად ცნო გაგაუზიის სახალხო კრების უფლებები ავტონომიური რეგიონის საარჩევნო ორგანოს დამტკიცებაზე და პოლიციის ტერიტორიული ქვედანაყოფების ხელმძღვანელების, ინფორმაციისა და უსაფრთხოების სამსახურის და გაგაუზიის იუსტიციის სამმართველოს ხელმძღვანელების დამტკიცებაში მონაწილეობაზე.

არსებული კანონმდებლობით, გაგაუზიაში ადგილობრივი საარჩევნო ორგანო არსებობს, რომელიც დაკავებულია ბაშქანის (რეგიონის მეთაურის) და სახალხო კრების არჩევნების ორგანიზებით. ქვეყნის მასშტაბით არჩევნების დროს ეს ორგანო მეორე დონის საარჩევნო საბჭოს ფუნქციას ასრულებს. მას სახალხო კრება ამტკიცებს.

მოლდოვის ცენტრალური ხელისუფლების აზრით, ამგვარად მოლდოვაში პარალელური საარჩევნო სისტემა იქმნება, გაგაუზიაში თვლიან, რომ ავტონომიური რეგიონის კანონიერი უფლებაა, რომელიც გაგაუზიის განსაკუთრებული უფლებრივი სტატუსის შესახებ კანონითაა დამტკიცებული.

გაგაუზიაში არჩევნებთან დაკავშირებით კრიზისი უკვე წელიწადზე მეტია რაც გრძელდება. სახალხო კრებას უფლებამოსილების ვადები ჯერ კიდევ 2025 წლის ნოემბერში ამოეწურა, თუმცა ადგილობრივ და ეროვნულ საარჩევნო კანონმდებლობებს შორის განსხვავებების გამო ახალი არჩევნების ორგანიზება ვერ მოხერხდა.