თეთრმა სახლმა რუსეთის წინააღმდეგ სანქციების კანონპროექტი დაამტკიცა. ამის შესახებ ამერიკელმა სენატორმა, ლინდსი გრემმა (რესპუბლიკური პარტია) კიევში გამართულ ბრიფინგზე განაცხადა.

გრემის თქმით, ის და დემოკრატი სენატორები რიჩარდ ბლუმენთალი და ჯინ შაჰინი ერთად მუშაობდნენ ტრამპის ადმინისტრაციასთან, რათა დარწმუნებულიყვნენ, რომ ეს დოკუმენტი იქნება „მისაღები ადმინისტრაციისთვის, რომ ის ფორმულირებულია ისე, რომ მათ შეძლონ მისი მხარდაჭერა“.

„მოხარული ვარ გაცნოთ, რომ დაახლოებით 30 წუთის წინ შეთანხმებას მივაღწიეთ თეთრ სახლთან რუსეთის წინააღმდეგ სანქციების შესახებ კანონპროექტის ვერსიაზე, რომელსაც ისინი მხარს დაუჭერენ. ეს ნიშნავს, რომ ის კანონი გახდება“, - განაცხადა გრემმა.

მან აღნიშნა, რომ ვაშინგტონში დაბრუნებისთანავე ის ბლუმენთალთან ერთად რესპუბლიკელებისა და დემოკრატების ლიდერებს მიმართავს იმის გასარკვევად, „შევძლებთ თუ არა რუსეთის წინააღმდეგ სანქციების ამ პაკეტის წინ წასაწევად დროის გამონახვას“.

გრემის თქმით, სანქციების ეს პაკეტი „პრეზიდენტ დონალდ ტრამპს ინსტრუმენტებს მისცემს ომის შეწყვეტისთვის ხელის შესაწყობად“.