Axios - დონალდ ტრამპის ადმინისტრაცია ითხოვს, რომ ირანმა ჰორმუზის სრუტის გახსნის შესახებ საჯაროდ გამოაცხადოს
დონალდ ტრამპის ადმინისტრაცია ითხოვს, რომ ირანმა ჰორმუზის სრუტის გახსნის შესახებ საჯაროდ გამოაცხადოს, - ინფორმაციას გამოცემა Axios-ი ავრცელებს.
გამოცემა Axios-ის ინფორმაციით, აშშ-ის პრეზიდენტის დონალდ ტრამპის ადმინისტრაციის მოთხოვნის შესაბამისად, თეირანმა პირობა უნდა დადოს, რომ ჰორმუზის სრუტეში კომერციულ გემებზე თავდასხმებს შეწყვეტს.
აშშ-მა ირანს აღნიშნული მოთხოვნის შესახებ გაფრთხილება როგორც პირდაპირ, ისე რეგიონული შუამავლების მეშვეობით გადასცა.
გამოცემის წყაროების ცნობით, დონალდ ტრამპის ადმინისტრაციამ ირანს დრო შაბათამდე მისცა.
„თუ ხვალისთვის ეს მათი პოზიცია არ გახდება, მაშინ მათთვის კარგი დღე არ იქნება“, - აღნიშნა ამერიკელმა მაღალჩინოსანმა გამოცემასთან საუბარში.
აშშ-ის ადმინისტრაცია აცხადებს, რომ ირანმა ურთიერთგაგების მემორანდუმი დაარღვია, რადგან ჰორმუზის სრუტეში კომერციულ გემებს თავს ესხმის.
