ბათუმში, ერთ-ერთ კლუბში რუსი მომღერლის ელდარ ჯარახოვის კონცერტის პარალელურად, მოქალაქეებმა საპროტესტო აქცია გამართეს.

შეკრებილებმა განაცხადეს, რომ ოკუპანტი ქვეყნის მოქალაქეებს საქართველოში კონცერტების გამართვის შესაძლებლობა არ უნდა ეძლეოდეთ. მათი თქმით, მსგავსი ღონისძიებები მიუღებელია იმ ფონზე, როდესაც რუსეთის ფედერაციას საქართველოს ტერიტორიები აქვს ოკუპირებული.

აქციის მონაწილეებმა ადგილზე სხვადასხვა შინაარსის ტრანსფარანტები გამოფინეს, მათ შორის წარწერებით: „რუსეთი ოკუპანტია“ და „გვახსოვს 2008 წელი“.

„ბევრი ახალგაზრდა შემოუერთდება ამ ბრძოლას. ეს არის ჰიბრიდული ომის ნაწილი, რომელიც არავის შერჩება. ეს არის საფრთხე, ოკუპაციის მცდელობა. თავის დროზე ყირიმიც სწორედ ასე დაიპყრეს. ყველამ უნდა აიღოს თავისი წილი პასუხისმგებლობა და გააპროტესტოს ეს ფაქტები, ეს ჩვენი პასუხისმგებლობაა“, - განაცხადა აქციის მონაწილემ.