ირანის წინააღმდეგ აშშ-ის საჰაერო დარტყმები გრძელდება
აშშ ირანის წინააღმდეგ საჰაერო დარტყმებს ახორციელებს, რომელიც სამ საათზე მეტია გრძელდება, - ინფორმაციას CNN-ი ავრცელებს.
აშშ-ის ცენტრალურმა სარდლობამ განაცხადა, რომ ირანის წინააღმდეგ საჰაერო დარტყმები მიმდინარეობს „რათა გააგრძელონ მათი შესაძლებლობების შემცირება, ჰორმუზის სრუტეში სამოქალაქო მეზღვაურებსა და კომერციულ გემებზე თავდასხმის კუთხით “.
ცენტრალური სარდლობის ცნობით, პრეზიდენტმა დონალდ ტრამპმა „საჰაერო დარტყმების ბრძანება ირანული ძალებისთვის პასუხისმგებლობის დაკისრების მიზნით გასცა“.
ირანული მედიის ინფორმაციით, ქვეყნის სამხრეთ-დასავლეთით, ხუზესტანის პროვინციაში, მაჰშაჰრის ოლქში, წყლის სატუმბ სადგურზე ჭურვის დარტყმის შედეგად დაცვის ერთი თანამშრომელი დაიღუპა და ოთხი დაიჭრა.
აფეთქებების ხმა ასევე ისმოდა ხუზესტანის პროვინციის ქალაქებში : ხორამშაჰრსა და ჰოვეიზეში.
