ირანის საგარეო საქმეთა სამინისტრო აშშ-ის თავდასხმებს გმობს და ვაშინგტონს საერთაშორისო სამართლის დარღვევაში ადანაშაულებს, - ინფორმაციას CNN-ი ავრცელებს.

„ომის დასრულების შესახებ შეთანხმების ხელმოწერიდან მხოლოდ 25 დღის შემდეგ, შეერთებულმა შტატებმა ღიად დაარღვია ამ შეთანხმების თითქმის ყველა ნაწილი. ირანის სატრანსპორტო ინფრასტრუქტურაზე, სათევზაო გემებზე, სატვირთო ბარჟებზე, მეტეოროლოგიურ ობიექტებსა და შენობებზე თავდასხმით, აშშ-მა ჩაიდინა ომის დანაშაულის ყველაზე საზარელი ქმედებები“, - ნათქვამია სამინისტროს განცხადებაში.

უწყებაში აცხადებენ, რომ აშშ-ის სამხედროებმა ირანზე თავდასხმების განსახორციელებლად სპარსეთის ყურის სამხრეთ სანაპიროზე მდებარე ქვეყნების ტერიტორიები გამოიყენეს და რომ ირანზე თავდასხმების ნებისმიერი წყარო ქვეყნის შეიარაღებული ძალების მხრიდან დარტყმებისთვის ლეგიტიმურ სამიზნედ ჩაითვლება.

ირანის საგარეო საქმეთა სამინისტრო გაერო-ს და ორგანიზაციის უშიშროების საბჭოს მოუწოდებს, ანგარიშვალდებული გახადონ „აგრესორი მხარეები და ისინი, ვინც მათ დაეხმარა და ხელი შეუწყო“.