უკრაინის უმაღლესმა რადამ იულია სვირიდენკოს პრემიერ-მინისტრის თანამდებობიდან გადადგომას მხარი დაუჭირა, - ინფორმაციას უკრაინული მედია ავრცელებს.

უმაღლესი რადას მიერ მხარდაჭერილი გადაწყვეტილება უკრაინის მთავრობის მთელი შემადგენლობის გადადგომას ნიშნავს.

იულია სვირიდენკოს პრემიერ-მინისტრის თანამდებობიდან გადადგომის შესახებ გადაწყვეტილებას მხარი 258-მა დეპუტატმა დაუჭირა.

შეგახსენებთ, უკრაინის პრეზიდენტმა ვოლოდიმირ ზელენსკიმ მთავრობის შემადგენლობაში საკადრო ცვლილებების პროცესის დაწყების შესახებ კვირას გამოაცხადა.

ზელენსკის ცნობით, იულია სვირიდენკოს „ქვეყნის მთავარ პარტნიორთან ურთიერთობების ახალი და მნიშვნელოვანი სფეროს ხელმძღვანელობა შესთავაზა“.

უკრაინული მედია წერს, რომ იულია სვირიდენკო აშშ-ში უკრაინის ელჩის თანამდებობაზე დანიშვნის წინადადებას არ დათანხმდა.