აშშ-ის პრეზიდენტმა დონალდ ტრამპმა აშშ-ის სავაჭრო წარმომადგენლის ოფისს ბრაზილიიდან იმპორტირებული საქონლის უმეტესობაზე 25%-იანი ტარიფის დაწესება დაავალა, - ამის შესახებ აშშ-ის სახელმწიფო მდივანი მარკო რუბიო სოციალურ ქსელში წერს.

„ნუ იქნება დაბნეული იმის გამო, თუ რატომ: პრეზიდენტმა ლულამ და მისმა მთავრობამ აშშ-სთან კეთილსინდისიერად არ აწარმოეს მოლაპარაკებები“, - აცხადებს რუბიო. სახელმწიფო მდივნის მტკიცებით, ბრაზილიის პრეზიდენტის ეკონომიკური პოლიტიკა საზიანოა როგორც ამერიკელებისთვის, ისე ბრაზილიელებისთვის.

„ბოლო ერთი წლის განმავლობაში ლულამ ბრაზილიელი ხალხის კეთილდღეობისთვის შეთანხმების მიღწევაზე წინ საკუთარი ეგო დააყენა, და ეს ტარიფები სწორედ ამის საფასურია“, - წერს რუბიო.