ქუთაისში, ,,ტორპედოს” ადმინისტრაციის წევრებსა და გულშემატკივრებს შორის სიტყვიერი და ფიზიკური დაპირისპირება მოხდა - ქომაგები კლუბის მთავარი მწვრთნელის გადადგომას ითხოვენ
ქუთაისში, რამაზ შენგელიას სახელობის სტადიონზე ხმაური და დაპირისპირება იყო.
სიტყვიერი და ფიზიკური დაპირისპირება საფეხბურთო კლუბ ,,ტორპედოს” ადმინისტრაციის წევრებსა და გულშემატკივრებს შორის მოხდა.
კლუბ ,,ტორპედოს" ქომაგები მთავარი მწვრთნელის დირკ შუსტერის წასვლას ითხოვდნენ.
მათი თქმით, უკმაყოფილება კლუბის წაგებულმა მატჩებმა გამოიწვია.
როგორც ქომაგები აცხადებენ, კლუბში პრობლემებია და დიდი ხანია მწვრთნელის წასვლას უშედეგოდ ითხოვენ.
ადგილზე პოლიცია და სპეცრაზმი იყო მობილიზებული.
მთავარმა მწვრთნელმა ტერიტორია სწორედ მათი დახმარებით დატოვა.
