ამერიკის შეერთებული შტატების სამხედრო ძალებმა ირანის წინააღმდეგ საჰაერო დარტყმების კიდევ ერთი ტალღა დაასრულეს, - ინფორმაციას CNN-ი აშშ-ის ცენტრალურ სარდლობაზე (CENTCOM) დაყრდნობით ავრცელებს.

„დარტყმები განხორციელდა სათვალთვალო ობიექტებზე, სამხედრო ლოჯისტიკის ინფრასტრუქტურაზე, მიწისქვეშა იარაღის საწყობებსა და საზღვაო შესაძლებლობებზე“, - განაცხადა CENTCOM-მა X-ზე გამოქვეყნებულ პოსტში და დასძინა, რომ აშშ-ის ძალებმა გამოიყენეს გამანადგურებლები, საჰაერო დრონები და სამხედრო ხომალდები.

შეგახსენებთ, შეერთებული შტატები განახლებული ოპერაციის ფარგლებში ზედიზედ მეშვიდე ღამეა ირანზე დარტყმებს ახორციელებს.