რუსებმა ზაპოროჟიეს დაარტყეს - დაიღუპა 3 და დაშავდა 17 ადამიანი
რუსულმა ძალებმა ზაპოროჟიეს ოლქში თავდასხმები განახორციელეს, რის შედეგადაც სამი ადამიანი დაიღუპა და 17 დაშავდა, - ინფორმაციას უკრაინული მედია ზაპოროჟიეს საოლქო-სამხედრო ადმინისტრაციის ხელმძღვანელზე, ივან ფედოროვზე დაყრდნობით ავრცელებს.
ფედოროვის თქმით, რუსულმა ძალებმა ზაპოროჟიეს ოლქში შვიდი დარტყმა განახორციელეს.
ამასთან, მოგვიანებით, რუსები ზაპოროჟიეს ოლქის სოფელ ვიქტოროვკაში დრონით ავტომობილს დაარტყეს, რის შედეგადაც ორი მამაკაცი დაშავდა.
