პუტინის ერთ-ერთ მთავარ მიზნად კიევი რჩება, - ამის შესახებ უკრაინის პრეზიდენტმა ვოლოდიმირ ზელენსკიმ ჟურნალისტებს განუცხადა.

„ფრონტზე პუტინის უცვლელი მთავარი მიზანი კოსტანტინოვკა-სლავიანსკია. მან თავის გენერლებს დონეცკისა და ლუგანსკის ოლქების ოკუპაციის დასასრულებლად საბოლოო ვადა წლის ბოლომდე მისცა. ეს შეუძლებელია და ეს ჩვენი პასუხია“, - განაცხადა ზელენსკიმ.

მისი თქმით, რუსეთი სახელმწიფო დუმის არჩევნების შემდეგ დაახლოებით 300 ათასი ადამიანის მობილიზაციას გეგმავს.

„ის 300 ათას ახლად მობილიზებულ სამხედროს გადაანაწილებს იმის მიხედვით, თუ რა მოხდება ჩვენი ქვეყნის აღმოსავლეთით. თუ იქ წარმატებას მიაღწევს, მაშინ შეძლებს ძალები სხვა მიმართულებით გადაისროლოს. ასევე, შესაძლოა იყოს ჩერნიგოვისა და კიევის მიმართულება. მას მსგავსი შეტევის მიმართულების განხორციელების განზრახვა რუსეთიდან, ბრიანსკის ოლქიდან აქვს“, - აღნიშნა ზელენსკიმ.

ასევე, ზელენსკის განცხადებით, რუსეთს 600 ბალისტიკური რაკეტა აქვს და წელიწადში 1300-მდე რაკეტის წარმოება შეუძლია.

„ზამთრამდე Patriot-ის 300 რაკეტის მოძიება მსურს. დამატებითი შესაძლებლობების შესახებ სხვადასხვა ქვეყნებთან ვმუშაობთ. თუ აშშ-ის მარაგის მცირე პროცენტს, 5%-ს ან 10%-ს მივიღებთ, რომლისთვისაც მზად ვართ გადავიხადოთ, მაშინ ჩვენ ზამთრის გადატანას შევძლებთ“, - განაცხადა უკრაინის პრეზიდენტმა.