რუსეთის პრეზიდენტი, ვლადიმერ პუტინი და აშშ-ის პრეზიდენტი, დონალდ ტრამპი ჩინეთში, აზია-წყნარი ოკეანის ეკონომიკური თანამშრომლობის სამიტის ფარგლებში შეხვდებიან, თუ ორივე ლიდერი იქ იქნება, - ამის შესახებ რუსეთის პრეზიდენტის თანაშემწემ იური უშაკოვმა განაცხადა.

„სამიტამდე ჯერ დიდი დროა. თუ ლიდერები ერთსა და იმავე ღონისძიებაში მიიღებენ მონაწილეობას, მაშინ ისინი აუცილებლად შეხვდებიან და ისაუბრებენ“, - განაცხადა უშაკოვმა.

მისი თქმით, შესაძლო შეხვედრის შესახებ კრემლს სიგნალი ჯერჯერობით არ მიუღია.

„უნდა დაველოდოთ. სამიტამდე სამი თვეა. წინ ბევრი მსხვილი საერთაშორისო ღონისძიება გვაქვს“, - აღნიშნა უშაკოვმა.

ცნობისთვის, აზია-წყნარი ოკეანის ეკონომიკური თანამშრომლობის სამიტი ჩინეთის ქალაქ შენჭენში, 18-19 ნოემბერს არის დაგეგმილი.