დიდი ბრიტანეთის პრემირ-მინისტრი ენდი ბერნემი კიევს ეწვევა, - ინფორმაციას The Guardian–ი დიდი ბრიტანეთის მთავრობაზე დაყრდნობით ავრცელებს.

დიდი ბრიტანეთის პრემიერ-მინისტრი ენდი ბერნემი კიევში დღეს, უკრაინის დამოუკიდებლობის დღეს ჩავა და გამოაცხადებს, რომ დიდი ბრიტანეთი უკრაინას საკუთარი შორ მანძილზე მოქმედი რაკეტების წარმოებაში მხარს დაუჭერს.

ენდი ბერნემი კიევში ვიზიტისას განაცხადებს, რომ დიდი ბრიტანეთის მთავრობა ევროპულ თავდაცვის კომპანია MBDA-ს ინგლისურ-ფრანგული Storm Shadow/Scalp-ის ტიპის რაკეტების ბრიტანული კომპონენტების შესახებ ინფორმაციის გაზიარების უფლებას აძლევს, რაც უკრაინას რაკეტების საკუთარი ვერსიის შექმნაში დაეხმარება.

ასევე, დიდი ბრიტანეთი საფრანგეთს უკრაინაში შორ მანძილზე მოქმედი რაკეტების საწარმოო ხაზის მოწყობაში დაეხმარება.

„უკრაინის დამოუკიდებლობის 35-ე წლისთავზე, უკრაინელ ხალხს ეჭვი არ უნდა შეეპაროს: დიდი ბრიტანეთი დღეს თქვენს გვერდით არის იმდენ ხანს, რამდენიც საჭირო იქნება. უკრაინის უსაფრთხოება ჩვენი უსაფრთხოებაა“, - ნათქვამია დიდი ბრიტანეთის პრემიერ-მინისტრის განცხადებაში.

კიევში ვიზიტის ფარგლებში ენდი ბერნემი უკრაინის პრეზიდენტ ვოლოდიმირ ზელენსკის შეხვდება და „მსურველთა კოალიციის“ შეხვედრას თანათავმჯდომარეობას გაუწევს.