მარკო რუბიო უკრაინას დამოუკიდებლობის დღეს ულოცავს, - განცხადებას აშშ-ის სახელმწიფო დეპარტამენტი ავრცელებს.

“ამერიკის შეერთებული შტატების სახელით, უკრაინელ ხალხს დამოუკიდებლობის 35-ე წლისთავს ვულოცავ. დღეს, 1991 წლის 24 აგვისტოს საბჭოთა კავშირისგან უკრაინის მიერ დამოუკიდებლობის გამოცხადებიდან 35 წლის შემდეგ, აშშ კიდევ ერთხელ ადასტურებს ჩვენს ორ ქვეყანას შორის მტკიცე თანამშრომლობას“, - ნათქვამია აშშ-ის სახელმწიფო მდივნის, მარკო რუბიოს განცხადებაში.

რუბიოს განცხადებით, „აშშ უკრაინის სუვერენიტეტის ერთგულია და მუშაობას აგრძელებს რუსეთ-უკრაინის ომის მოლაპარაკებების გზით მოგვარების მხარდასაჭერად, რომელიც ხანგრძლივ და მყარ მშვიდობას დაამყარებს“.

„დამოუკიდებლობის დღეს, როდესაც უკრაინელები თავიანთი ქვეყნის ისტორიას პატივს მიაგებენ და აღნიშნავენ საკუთარ სიმამაცეს, ინოვაციებსა და გამძლეობას, აშშ კიდევ ერთხელ ადასტურებს თავის მტკიცე ერთგულებას ჩვენი ეკონომიკური და უსაფრთხოების კავშირების განვითარებისა და ჩვენი ქვეყნების მშვიდობისკენ და კეთილდღეობისკენ წინსვლის მიმართ“, - აცხადებს მარკო რუბიო.