წინასწარი შედეგებით, ყაზახეთის საპარლამენტო არჩევნებში პარტია „ადილეტი“ ლიდერობს, - ინფორმაციას ყაზახეთის ცენტრალური საარჩევნო კომისია ავრცელებს.

ყაზახეთის ცენტრალური საარჩევნო კომისიის წინასწარი შედეგების თანახმად, ქვეყნის ერთპალატიანი პარლამენტის, ყურულთაის 145 წევრის არჩევნებში ამომრჩეველთა აქტივობამ 74.08% შეადგინა.

წინასწარი მონაცემებით, 23 აგვისტოს ჩატარებულ არჩევნებში პარტია „ადილეტმა“ 6,528,948 ხმა მიიღო, რაც ხმების საერთო რაოდენობის 71.17%-ია.

„ადილეტი“ მმართველ პარტიას წარმოადგენს, რომელმაც ივნისში სახელი შეიცვალა, მას შემდეგ, რაც ყოფილ მმართველ პარტია „ამანატთან“ გაერთიანდა. პარტია „ადილეტს“ ყაზახეთის პრეზიდენტის, კასიმ-ჟომარტ ტოკაევის თანაშემწეები ხელმძღვანელობენ.

წინასწარი შედეგების მიხედვით, 5%-იანი ბარიერი შემდეგმა პარტიებმა გადალახეს: პარტია „აუილი“ (6,26%), პარტია „რესპუბლიკა“ (5,56%), პარტია „აკ ჟოლი“ (5,21%) და „ეროვნული სოციალ-დემოკრატიული პარტია“ (5,11%).