რეალურად, ოპოზიცია არ არსებობს, არსებობენ კონკრეტული ადამიანები, რომლებიც აგენტურული ქსელის წარმომადგენლები არიან ქვეყნის შიგნით, ჰყავთ თავიანთი დავალებების მიმცემები, უცხოელი პატრონები, - ამის შესახებ თბილისის მერმა კახა კალაძემ ჟურნალისტებს განუცხადა.

როგორც კალაძემ განაცხადა, ოპოზიციის წარმომადგენლები თავიანთი ქმედებებით ყოველთვის ეწინააღმდეგებოდნენ და ახლაც ეწინააღმდეგებიან ქართული სახელმწიფოს და ქართველი ხალხის ინტერესებს.

„ის პროცესი, რაც მიდის - დაპირისპირება, ერთმანეთის მიმართ შეურაცხმყოფელი განცხადებების გაკეთება, სხვანაირად ვერც წარმომიდგენია. ამ ადამიანებს არანაირი ღირებულებები არ გააჩნიათ. ყველაზე მნიშვნელოვანი არის ის, რომ ისინი არიან უსამშობლო ადამიანები, აგენტურული ქსელის წარმომადგენლები. ისინი თავიანთი ქმედებებით ყოველთვის ეწინააღმდეგებოდნენ და ეწინააღმდეგებიან ქართული სახელმწიფოს და ქართველი ხალხის ინტერესებს“, - განაცხადა კალაძემ.