ბელარუსის პრეზიდენტმა ალექსანდრე ლუკაშენკომ უკრაინელ ხალხს დამოუკიდებლობის დღე მიულოცა, - განცხადებას ბელარუსის პრეზიდენტის პრესსამსახური ავრცელებს.

„ბელარუსი და უკრაინელი ხალხების ისტორიული ბედი მჭიდროდაა გადაჯაჭვული. ჩვენს ხალხებს საუკუნოვანი ტრადიციები, საერთო გამარჯვებების მოგონება და მძიმე განსაცდელების ხსოვნა აკავშირებს“, - ნათქვამია ლუკაშენკოს განცხადებაში.

ლუკაშენკომ იმედი გამოთქვა, რომ „გეოპოლიტიკური რყევების მიუხედავად, ბელარუსი და უკრაინელი მომავალი თაობები საუკუნოვან მეგობრულ და ნათესაურ კავშირებს შეინარჩუნებენ, ხოლო მინსკი და კიევი ნდობის, პატივისცემისა და თანასწორობის პრინციპების საფუძველზე დამყარებულ ურთიერთსასარგებლო თანამშრომლობას აღადგენენ“.

ლუკაშენკომ უკრაინელ ხალხს ჯანმრთელობა და კეთილდღეობა, ხოლო უკრაინას მშვიდობა და ბედნიერება უსურვა.