რუსეთის მუქარის მიუხედავად, უკრაინის მიმართ დიდი ბრიტანეთის მხარდაჭერა უცვლელია, - ამის შესახებ დიდი ბრიტანეთის პრემიერ-მინისტრმა, ენდი ბერნემმა კიევში, უკრაინის დამოუკიდებლობის დღისადმი მიძღვნილ ღონისძიებაზე სიტყვით გამოსვლისას განაცხადა.

„ვფიქრობ, რუსეთის ბარბაროსულ ქმედებებთან დაკავშირებით ჩვენს პოზიციას ყოველთვის მკაფიოდ ვაფიქსირებთ. ამას ბოლო ოთხი წლის განმავლობაში თანმიმდევრულად ვაკეთებთ და ამ თვალსაზრისით არაფერი შეცვლილა“, - განაცხადა ბერნემმა.

ბერნემმა რუსეთის წინააღმდეგ უკრაინის ბრძოლა ნაცისტური გერმანიის წინააღმდეგ დიდი ბრიტანეთის ბრძოლას შეადარა.

„ჩემმა ქვეყანამ მე-20 საუკუნეში ევროპული თავისუფლების ცეცხლი შეინარჩუნა, თქვენ ამ ცეცხლს 21-ე საუკუნეში ატარებთ. ეს ის მომენტია, როდესაც რუსეთზე ზეწოლა უნდა შევინარჩუნოთ და ამ უკანონო ომის დასაფინანსებლად მათი შესაძლებლობები შევზღუდოთ. უკრაინელი ხალხი არა მხოლოდ ჩვენს მხარდაჭერას, არამედ ჩვენს მადლიერებასაც იმსახურებს“, - აღნიშნა დიდი ბრიტანეთის პრემიერ-მინისტრმა.