კანადა დააწესებს ტარიფებს, რომელიც აშშ-ის ახალი ტარიფების ექვივალენტურია, - ამის შესახებ კანადის პრემიერ-მინისტრი მარკ კარნი სოციალურ ქსელში წერს.

მისი თქმით, გარდა ამისა, კანადა ახორციელებს გაძლიერებულ დამატებით ზომებს, რომლის ჯამური ღირებულება 7.5 მილიარდი დოლარია, კანადელი დასაქმებულებისა და ბიზნესის მხარდასაჭერად.

„ეს თანხები ემატება დაახლოებით 25 მილიარდი დოლარის ოდენობის ზომებს, რომელიც აშშ-ის მიერ გაუმართლებელი ტარიფების შემოღების შემდეგ გამოცხადდა. ჩვენი მიზანია დავიცვათ კანადაში სამუშაო ადგილები, ინდუსტრიები და ოჯახები“, - აცხადებს კარნი.

შეგახსენებთ, კანადის ფინანსთა და ეროვნული შემოსავლების მინისტრმა ფრანსუა-ფილიპ შამპანმა განაცხადა, რომ მისი ქვეყანა 20 მილიარდი დოლარის ღირებულების ამერიკულ საქონელზე 50%-იან საპასუხო ტარიფებს დააწესებს. ახალი ტარიფები 8 სექტემბრიდან ამოქმედდება და 700 პროდუქტზე 15%-იანი, 25%-იანი და 50%-იანი ტარიფები დაწესდება.