ამერიკელი მომღერალი, ქანთრი მუსიკის ლეგენდარული შემსრულებელი დოლი პარტონი 80 წლის ასაკში გარდაიცვალა.

განცხადებაში, რომელიც მისმა ძმისშვილმა, ბრაიან სივერმა გაავრცელა, ნათქვამია, რომ პარტონი „მშვიდად გარდაიცვალა“.

პარტონი ბოლო ორი წლის განმავლობაში, განსაკუთრებით კი მას შემდეგ, რაც მისი მეუღლე, კარლ დინი, 2025 წლის მარტში გარდაიცვალა, ღიად საუბრობდა ჯანმრთელობის სხვადასხვა პრობლემაზე. მან კარიერის განმავლობაში მსოფლიო მასშტაბით 100 მილიონზე მეტი ჩანაწერი გაყიდა და 3 000-ზე მეტი სიმღერა დაწერა. დოლი პარტონის გარდაცვალებას აშშ-ის პრეზიდენტი დონალდ ტრამპმა გამოეხმაურა.

„ეს ნამდვილი დანაკარგია მილიონობით ადამიანისთვის. მისი მსგავსი არასდროს ყოფილა და არც იქნება“, - დაწერა პრეზიდენტმა Truth Social-ზე. მისი თქმით, გასცემს ბრძანებას, რომ ერთი კვირის განმავლობაში მთელი ქვეყნის მასშტაბით ამერიკული დროშები დაუშვან.