პაკისტანში, ისლამაბადის საავადმყოფოში გაჩენილ ხანძარს 15 ახალშობილი ემსხვერპლა, - ინფორმაციას Reuters-ი ადგილობრივ მედიაზე დაყრდნობით ავრცელებს.

გამოცემის ინფორმაციით, ხანძარი პაკისტანის დედაქალაქ ისლამაბადში მდებარე სამედიცინო მეცნიერებათა ინსტიტუტის დედათა და ბავშვთა ჯანმრთელობის განყოფილების მესამე სართულზე გაჩნდა.

ხანძრის გაჩენის მომენტში განყოფილებაში სულ 16 ახალშობილი ბავშვი იმყოფებოდა, რომელთაგან მხოლოდ ერთის გადარჩენა მოხერხდა.

ადგილობრივი მედიის ცნობით, ხანძარი კონდიცირების სისტემაში გაუმართაობამ გამოიწვია.

პაკისტანის პრემიერ-მინისტრმა, შაჰბაზ შარიფმა ხელისუფლებას გამოძიების დაწყება და პასუხისმგებელი პირების დასჯა დაავალა.