რუსეთის პრეზიდენტს, ვლადიმერ პუტინს, რუსეთის სადაზვერვო სააგენტოებსა და აშშ-ის ცენტრალური სადაზვერვო სააგენტოს დირექტორ ჯონ რეტკლიფს შორის კონტაქტების შედეგების შესახებ ინფორმაცია მიაწოდეს, - ამის შესახებ რუსეთის პრეზიდენტის პრესსპიკერმა, დიმიტრი პესკოვმა, ჟურნალისტებს განუცხადა.

მისი თქმით, ნაადრევია იმის შეფასება, თუ როგორ იმოქმედებს რეტკლიფის ვიზიტი აშშ-რუსეთის ურთიერთობების ღრმა კრიზისიდან გამოსვლის პროცესზე.

„ამ თემაზე მეტი არაფერი მაქვს დასამატებელი, გარდა იმისა, რაც უკვე ვთქვი“, - განუცხადა პესკოვმა ჟურნალისტებს, როდესაც უპასუხა შეკითხვას, იყო თუ არა განხილულ თემებს შორის ირანთან და უკრაინასთან თუ დაკავშირებული საკითხები.

შეგახსენებთ, აშშ-ის ცენტრალური სადაზვერვო სააგენტოს დირექტორი მოსკოვში გუშინ ჩავიდა.