27 აგვისტოს ღამეს, უკრაინაზე რუსეთის მიერ მორიგი საჰაერო თავდასხმის განხორციელების დროს, მოლდოვას საჰაერო სივრცეში ხუთი დრონი შეიჭრა, - ამის შესახებ მოლდოვას თავდაცვის სამინისტრო იუწყება.

„ჩვენი ქვეყნის საჰაერო სივრცის თავზე უნებართვო გადაფრენები უკრაინაზე რუსეთის საჰაერო თავდასხმების შედეგად მოხდა. ეროვნული ხელისუფლება, პარტნიორებთან ერთად, საზოგადოებრივი უსაფრთხოების უზრუნველყოფის მიზნით, საჰაერო სივრცის მონიტორინგს აგრძელებს“, - განაცხადა მოლდოვას თავდაცვის სამინისტრომ.

შეგახსენებთ, მოლდოვას პარლამენტის თავმჯდომარემ, იგორ გროსუმ, ორი დღის წინ განაცხადა, რომ დრონების მიერ ქვეყნის საჰაერო სივრცის დარღვევის ხშირი ინციდენტები რუსეთის სახელმწიფო დუმის არჩევნების მოახლოებას უკავშირდება. მოლდოვას პრეზიდენტი მაია სანდუს თქმით კი, რუსული დრონების მიერ მისი ქვეყნის საჰაერო სივრცის ხშირი დარღვევები გამოწვეულია იმით, რომ უკრაინას მათ მოსაგერიებლად საკმარისი მხარდაჭერა არ აქვს.