მე ვფიქრობ, რომ ცოტა დასვენებასაც და საკუთარ ოჯახს და თავზე ზრუნვასაც ვიმსახურებ და ჩემი შვილები ერთი 9 წლისაა და მეორე 13-ის და პრაქტიკულად, უჩემოდ გაიზარდნენ და რაღაც ადამიანური მომენტებიც მინდა დავიტოვო, - ასე ახსნა რეგიონული განვითარების მინისტრმა მინისტრმა მამუკა მდინარაძემ პოლიტიკიდან წასვლის გადაწყვეტილება.

კითხვაზე, რა მოხდა ასეთი, რომ აღნიშნული გადაწყვეტილება მიიღო, მდინარაძემ უპასუხა: „ასეთი არაფერი მომხდარა, არც ისეთი არაფერი მომხდარა“.

„10 წლის განმავლობაში, მაშინ როდესაც პოლიტიკაში ჩაბმული ხარ თავიდან ბოლომდე და ჩართულობის ხარისხი, ინტენსივობა, პასუხისმგებლობა შესაბამისია, არ არის მარტივი, გულწრფელად გითხრათ, მარტივი ამბავი ეს არ არის და კიდევ ერთი, დღეს რომ ვფიქრობდე მე, რომ რეგიონული მიმართულებას ქვეყანაში ჩემზე უკეთესად ვერავინ მიხედავს, მაშინ მე გვერდით არ გავიწეოდი და არ დავტოვებდი არც პოლიტიკას, არც თანამდებობას. მაგრამ ნამდვილად ვფიქრობ, რომ უამრავი ლიდერია გუნდში, რომელიც ამ მიმართულებას ძალიან კარგად მიხედავს. აქედან გამომდინარე, რომ გითხრათ, რომ აუცილებელი საჭიროება მაინც და მაინც ჩემი ყოფნის იდგას, ესეც ვიფიქრე და ამანაც დამაწყებინა ფიქრი. მე ვფიქრობ, რომ ცოტა დასვენებასაც და საკუთარ ოჯახსა და თავზე ზრუნვასაც ვიმსახურებ და ჩემი შვილები ერთი 9 წლისაა და მეორე 13-ის და პრაქტიკულად უჩემოდ გაიზარდნენ და რაღაც ადამიანური მომენტებიც მინდა დავიტოვო“, - განაცხადა მდინარაძემ.

რეგიონული განვითარების უკვე ყოფილმა მინისტრმა აღნიშნა ისიც, რომ პოლიტიკაში დაბრუნებას არ აპირებს.

“თუ ძალიან დავჭირდები გუნდს და სხვა გამოსავალი არ იქნება, მარტო ამ შემთხვევაში დავბრუნდები”, - აღნიშნა მდინარაძემ.