კორუფციის წინააღმდეგ ბრძოლაში მე ჩემი გავაკეთე - სადაც საჭირო ვიყავი, ყოველთვის იქ ვიყავი, - ამის შესახებ რეგიონული განვითარების ყოფილმა მინისტრმა, მამუკა მდინარაძემ ჟურნალისტებთან განაცხადა.

მისივე თქმით, რეგიონული განვითარების საკითხებში სახელმწიფო მინისტრის თანამდებობას „სხვაც მშვენივრად გაართმევს თავს“.

„კორუფციის წინააღმდეგ ბრძოლას გავეცალე?! რეგიონებში ჩემი საქმე იყო მენეჯმენტი და მენეჯერი სხვაც მოიძებნება. კორუფციის წინააღმდეგ ბრძოლაში მე ჩემი გავაკეთე, იქიდან სხვა თანამდებობაზე გადავედი და მიმაჩნია, რომ იმ თანამდებობაზე სხვაც მშვენივრად გაართმევს თავს. სადაც საჭირო ვიყავი, ყოველთვის იქ ვიყავი,“ - განაცხადა მდინარაძემ.

ამასთან, მდინარაძე აღნიშნავს, რომ ბიძინა ივანიშვილის მისი თანამდებობიდან წასვლის მომხრე არ იყო.

„[ბიძინა ივანიშვილის] პოზიცია იყო, რომ მე ეს არ უნდა გამეკეთებინა, მაგრამ ვცდილობდი ჩემი საჭიროებები [ამეხსნა]. ისეთი საუბარი, რაც კამერის წინ არის, არ ხდება ხოლმე, უფრო შინაურული საუბარი მიდის, ბუნებრივი ამბავია. კი ბატონო, ბოლოს გაიგეს ჩემი გადაწყვეტილება და ისე დავშორდით ერთმანეთს,“ - განაცხადა მდინარაძემ.

ცნობისთვის, მამუკა მდინარაძემ განაცხადა, რომ თანამდებობას ტოვებს და პოლიტიკიდან მიდის.