ძალიან ისეთ ხარისხში უნდა იყოს [საჭიროება], საკუთარ გუნდს არაბუნებრივად უნდა დავჭირდე, მაგრამ იმედი მაქვს, რომ ასე არ დავჭირდები და იქნება ვინმე სხვა - შეუცვლელი არავინაა, - ასეთი იყო მამუკა მდინარაძის პასუხი კითხვაზე, რა შემთხვევაში შეიძლება ის პოლიტიკურ თანამდებობაზე დაბრუნდეს.

„მე ეს ასე მიმაჩნია ბუნებრივად და გულწრფელად. დაზღვევის მექანიზმად ვიტოვებ, რომ თუ როდისმე დავბრუნდი, რასაც მართლა არ ვფიქრობ, ეს რაღაც აუცილებლობიდან გამომდინარე იქნება, რომ გუნდს შეიძლება ძალიან დასჭირდე.

გარედან ვისი მხარდამჭერი ვიქნები და სად ვიქნები, ალბათ დარწმუნებული ხართ, ეს ყველამ იცით და ყველა ხვდება. სხვანაირად, ზიგზაგებით მე ვერ ვივლი, როგორც ვიღაც-ვიღაცები დადიან. მე ამ ტიპის ადამიანი არასდროს ვყოფილვარ და არასდროს ვიქნები. ეს ამბავი 1%-იანი დაზღვევისთვის ვთქვი“, - განაცხადა მამუკა მდინარაძემ.

მამუკა მდინარაძემ საგანგებო ბრიფინგზე განაცხადა, რომ დაკავებულ თანამდებობას ტოვებს და პოლიტიკიდან მიდის.