კანადამ აშშ-დან იმპორტირებულ საქონელზე საპასუხო ტარიფების სიიდან ზღვის და თევზის პროდუქტები ამოიღო, მას შემდეგ, რაც ერთი დღით ადრე დაახლოებით 20 მილიარდი დოლარის ღირებულების ამერიკულ პროდუქტებზე საბაჟო გადასახადების დაწესება გამოაცხადა, - ინფორმაციას Reuters-ი ავრცელებს.

„უკუკავშირის საფუძველზე, ეკონომიკური ზიანისგან თავის დასაცავად, გარკვეული ცვლილებები შევიტანეთ, მათ შორის ზღვის პროდუქტებისა და თევზის პროდუქტების ჩვენი საპასუხო ტარიფების სიიდან ამოღებით“, - განაცხადა კანადის ფინანსთა დეპარტამენტმა X-ზე გამოქვეყნებულ პოსტში.

უწყების განმარტებით, მუდმივად თანამშრომლობენ კანადის ინდუსტრიების წარმომადგენლებთან ამ ზომების ეფექტიანობის შესაფასებლად.

„მუდმივად ვთანამშრომლობთ კანადის ინდუსტრიების წარმომადგენლებთან ამ ზომების ეფექტიანობის შესაფასებლად, განსაკუთრებული ყურადღება კი იმ ინდუსტრიებზე გვაქვს გამახვილებული, რომლებზეც აშშ-ის ტარიფები გავრცელდა“, - აღნიშნულია ფინანსთა დეპარტამენტის განცხადებაში.

ცნობისთვის, შაბათს აშშ-მა კანადიდან იმპორტირებულ საქონელზე 15-50%-მდე ტარიფი დააწესა. საპასუხოდ, კანადა შეერთებული შტატებიდან იმპორტირებულ 20 მილიარდი დოლარის ღირებულების საქონელზე 15-50%-მდე ტარიფს აწესებს. ტარიფები 8 სექტემბრიდან ამოქმედდება.