ხორბლის ფასმა ბოლო სამი წლის განმავლობაში უმაღლეს ნიშნულს მიაღწია. ამის შესახებ ინფორმაციას გამოცემა Bloomberg-ი ავრცელებს.

მათი ინფორმაციით, ხორბლის ფასის ზრდა შავ ზღვაში რუსეთსა და უკრაინის შორის დაძაბულობის ესკალაციას უკავშირდება, რაც ამ ქვეყნებიდან ხორბლის ექსპორტს ამცირებს. გამოცემის ინფორმაციით, ხორბლის ფასი 7.55 აშშ დოლარს შეადგენს ერთი ბუშელისთვის (დაახლოებით 27.2 კილოგრამი), რაც 2023 წლის ივლისის შემდეგ ყველაზე მაღალი ნიშნულია.

ექსპერტების თქმით, შავი ზღვიდან ხორბლის ექსპორტი შეჩერდა მარცვლეულით დატვირთული გემებისა და ექსპორტის ტერმინალების წინააღმდეგ მიმართული ორმხრივი დარტყმების გამო. მათი ინფორმაციით, რეგიონში მარაგი ჯანსაღი რჩება, მაგრამ მარცვლეული ჩაკეტილია და ექსპორტიორები ალტერნატიულ მარშრუტებს ეძებენ, მაგრამ “ნაკლებად სავარაუდოა, რომ ამ მარშრუტებმა ოდესისა და ნოვოროსიისკის პორტების დაკარგული სიმძლავრის კომპენსირება მოახდინონ”.

ცნობისთვის, უკრაინა და რუსეთი ერთად მსოფლიო ხორბლის წარმოების დაახლოებით მეოთხედს შეადგენენ.