ვლადიმერ პუტინი ალექსანდრე ლუკაშენკოს შეხვდა, - ინფორმაციას რუსული მედია ავრცელებს.

რუსეთისა და ბელარუსის პრეზიდენტებს, ვლადიმერ პუტინსა და ალექსანდრე ლუკაშენკოს შორის შეხვედრა მოსკოვის ოლქში, ნოვო-ოგარიოვოს რეზიდენციაში შედგა.

მედიის ცნობით, მხარეებმა ორმხრივი თანამშრომლობის, ასევე, რეგიონული და საერთაშორისო მნიშვნელობის საკითხები განიხილეს.

ვლადიმერ პუტინმა ლუკაშენკოსთან შეხვედრაზე აღნიშნა, რომ რუსეთსა და ბელარუსს შორის ვაჭრობა წარმატებით ვითარდება.

„ჩვენი თანამშრომლობის მთავარი მიმართულება, სავაჭრო-ეკონომიკური სფერო, წარმატებით ვითარდება“, - განუცხადა პუტინმა ლუკაშენკოს.