უკრაინის დამარცხება ყოველდღიურად უფრო და უფრო ახლოვდება და კიევი ამას კარგად ხვდება, - ამის შესახებ რუსეთის პრეზიდენტის პრესსპიკერმა დიმიტრი პესკოვმა განაცხადა.

„ყოველი დღე ამ დამარცხებას აახლოებს. კიევში ამას შესანიშნავად ხვდებიან“, - აღნიშნა პესკოვმა.

მისი მტკიცებით, „რუსეთი ფრონტის ყველა მიმართულებაზე წინ მიიწევს.

„რუსეთი ფრონტის ყველა მიმართულებაზე წინ მიიწევს, ეს წინსვლა აშკარაა, დინამიკა პოზიტიურია“, - განაცხადა პესკოვმა.

მისი თქმით, რუსეთის ფედერაციის პოლიტიკის პრიორიტეტად ე.წ. „სპეციალური სამხედრო ოპერაციის“ ამოცანების გადაწყვეტა და ევროპის კონტინენტზე ახალი უსაფრთხოების არქიტექტურის შექმნაა.

„ჩვენი პრიორიტეტია სპეციალური სამხედრო ოპერაციის წინაშე არსებული ამოცანების გადაწყვეტა. ეს ნომერ პირველი ამოცანაა. ასევე, ჩვენს კონტინენტზე, ევროპის კონტინენტზე ახალი უსაფრთხოების არქიტექტურის შექმნა“,-აღნიშნა პესკოვმა.