ჩვენი შორ მანძილზე მოქმედი დარტყმები სხვადასხვა დისტანციასა და ტერიტორიაზე მოქმედებს, მაგრამ ყოველთვის სამართლიანად და ისე, რომ რუსეთს ართმევს სასტიკი ომის წარმოების რესურსებს, - ამის შესახებ უკრაინის პრეზიდენტი ვოლოდიმირ ზელენსკი სოციალურ ქსელში წერს.

მისი ინფორმაციით, წუხელ თავდაცვის ძალებმა იერიში მიიტანეს ორიოლისა და როსტოვის ოლქებში თავდასხმის დრონების შესანახ და გაშვების ადგილებზე.

„ღამით, უკრაინის თავდაცვის ძალებმა ორიოლისა და როსტოვის ოლქებში დაარტყეს ადგილებს, რომლებიც გამოიყენება თავდასხმის დრონების შესანახად, მოსამზადებლად და გასაშვებად. დარტყმები განხორციელდა ეისკის სამხედრო აეროდრომზე და შავ ზღვაში. ჩვენმა მეომრებმა ასევე შორ მანძილზე მოქმედი დარტყმები განახორციელეს ლენინგრადის რეგიონში ნავთობგადამამუშავებელ ქარხანაზე, რომელიც ყოველთვიურად მილიონობით დოლარს გამოიმუშავებს რუსეთის სამხედრო ბიუჯეტისთვის. ასევე დადასტურდა ამ კვირის განმავლობაში ეფექტური შორ მანძილზე მოქმედი დარტყმები, მათ შორის ბაშკორტოსტანსა და არხანგელსკის ოლქში ობიექტების წინააღმდეგ“, - აცხადებს ზელენსკი.

მისი თქმით, რუსეთმა ყოველდღიურად უნდა იგრძნოს, რომ ომი იქ ბრუნდება, საიდანაც დაიწყო.

„ასევე მნიშვნელოვანია, რომ ჩვენი შორ მანძილზე მოქმედი ზემოქმედება შეავსოს ჩვენი პარტნიორების მიერ რუსეთის სამხედრო ინფრასტრუქტურის წინააღმდეგ ახალმა სანქციებმა“, - წერს ზელენსკი.

მისი თქმით, იმ იარაღის აბსოლუტური უმრავლესობა, რომელსაც რუსეთი უკრაინის ქალაქებსა და თემებზე ტერორის განხორციელებისთვის იყენებს, ვერ ფუნქციონირებს ათასობით უცხოური კომპონენტის, ქიმიკატისა და დაზგის გარეშე.

„მუდმივად ვაწვდით ჩვენს პარტნიორებს სანქციებისგან თავის არიდების სქემების დეტალებს, რომელსაც რუსეთი იყენებს“, - წერს ზელენსკი.