რუსებმა კიევს შეუტიეს, დაიღუპა 3 ადამიანი და დაშავდა 5
რუსულმა ძალებმა უკრაინის დედაქალაქ კიევზე თავდასხმა განახორციელეს, რის შედეგადაც 3 ადამიანი დაიღუპა და 5 დაშავდა, - ინფორმაციას უკრაინული მედია კიევის საქალაქო-სამხედრო ადმინისტრაციაზე დაყრდნობით ავრცელებს.
„სამწუხაროდ, დედაქალაქზე მტრის თავდასხმის შედეგად სამი ადამიანი დაიღუპა და ხუთი დაშავდა. ვუსამძიმრებთ დაღუპულების ოჯახებსა და მეგობრებს“, - აღნიშნულია კიევის საქალაქო-სამხედრო ადმინისტრაციის განცხადებაში.
მანამდე ცნობილი გახდა, რომ რუსებმა უკრაინას ბალისტიკური რაკეტებით შეუტიეს და დედაქალაქში ძლიერი აფეთქებების ხმა ისმოდა.
