ჰორმუზის სრუტეში ტანკერებზე თავდასხმა განხორციელდა, - ინფორმაციას Reuters-ი ავრცელებს.

გავრცელებული ინფორმაციით, ომანის სანაპიროსთან რამდენიმე ჭურვი ორ სუპერტანკერს მოხვდა, რომლებსაც ნავთობი საუდის არაბეთიდან გადაჰქონდათ.

საზღვაო რისკების მართვის კომპანია Marisks-ის ცნობით, ჭურვების სამიზნეები საუდის არაბეთის დროშის ქვეშ მცურავი ტანკერი Sidr-ი და ლიბერიის დროშის ქვეშ მცურავი Senegal Prosperity-ი გახდნენ.

ტანკერები ნედლი ნავთობით გასულ კვირას, საუდის არაბეთის ჯუაიმას ტერმინალში დაიტვირთნენ.