ლაიფციგის აეროპორტში “ჰიბრიდულ თავდასხმაზე” რუსეთია პასუხისმგებელი. ამის შესახებ გერმანიის შინაგან საქმეთა მინისტრმა, ალექსანდრ დობრინდტმა საგარეო საქმეთა მინისტრ, იოჰან ვადეფულტთან გამართულ ერთობლივ პრესკონფერენციაზე განაცხადა.

მისი თქმით, გასულ თვეს ლაიფციგის აეროპორტში უკრაინული სატვირთო თვითმფრინავის მახლობლად ასაფეთქებელი დრონის ინციდენტზე პასუხისმგებელი რუსეთია.

დობრინდტმა აღნიშნა, რომ ამ ინციდენტის დროს გამოყენებულ იქნა მეთოდები, რომლებიც სხვა რუსულ თავდასხმებში გამოიყენებოდა. მისი თქმით, ამას “დაბალი რანგის აგენტები” ახორციელებდნენ, რაც “რუსული ჰიბრიდული ქმედებების” სქემას შეესაბამება.

მან აღნიშნა, რომ დაზვერვის დასკვნებმა დაადასტურეს ეს და აჩვენეს, რომ მოქმედი პირები რუსეთის ინტერესებში მოქმედებდნენ.

“შესაბამისად, გერმანიის მთავრობა მიდის იმ დასკვნამდე, რომ რუსეთი პასუხისმგებელია ლაიფციგში 14 აგვისტოს ჰიბრიდულ თავდასხმაზე. ომში არ ვართ, მაგრამ ყოველდღიურად ვართ ჰიბრიდული ომის სამიზნე”, - განაცხადა დობრინდტმა.