უნგრეთის საგარეო საქმეთა მინისტრი ანიტა ორბანი აცხადებს, რომ "უნგრეთი ღრმად შეშფოთებულია ევროპის ტერიტორიაზე რუსული ჰიბრიდული აქტივობების მზარდი რაოდენობითა და ინტენსივობით".

მისი თქმით, გერმანიაში ბოლო დროს მომხდარი ინციდენტები ადასტურებს "ქცევის სულ უფრო საშიშ და უგუნურ ნიმუშს, რომელიც სერიოზულ საფრთხეს უქმნის ევროპის უსაფრთხოებასა და მდგრადობას".

"უნგრეთი სრულ სოლიდარობას უცხადებს გერმანიას და მზადაა, მხარი დაუჭიროს ჩვენს პარტნიორს ჰიბრიდულ საფრთხეებთან ბრძოლაში. ამ გამოწვევების წინაშე, ევროკავშირისა და ნატო-ს მდგრადობის, ერთიანობისა და კოლექტიური მზადყოფნის გაძლიერება უფრო მნიშვნელოვანია, ვიდრე ოდესმე",- წერს ანიტა ორბანი X-ზე.