სადაზღვევო კომპანია იმედი L „თბილისიმარათონის“ ოფიციალური მზღვეველია. 27 სექტემბერს დაგეგმილ მასშტაბურ სპორტულ ღონისძიებაში 4000 ადამიანი მიიღებს მონაწილეობას.

„თბილისიმარათონი“ საქართველოში ერთ-ერთი მნიშვნელოვანი საერთაშორისო ღონისძიებაა, რომელიც ყოველწლიურად ათასობით ადამიანს აერთიანებს და მათ სხვადასხვა დისტანციაზე სირბილის შესაძლებლობას აძლევს. წლევანდელ მარათონზე მონაწილეებს სხვადასხვა ტიპის გარბენიდან საკუთარი სურვილისა და გამოცდილების მიხედვით შეუძლიათ აირჩიონ. „თბილისიმარათონის“ ერთ-ერთი მნიშვნელოვანი თავისებურება მისი საქველმოქმედო ხასიათია, რეგისტრაციიდან მიღებული თანხა საქველმოქმედო მიზნებს ხმარდება.

იმედი L 10-კილომეტრიან გარბენში ყველაზე სწრაფ ქალ და კაც მონაწილეებს ერთწლიან ჯანმრთელობის დაზღვევას, უნოს, გადასცემს.

უნო მომხმარებელს სთავაზობს მის საჭიროებებზე მაქსიმალურად მორგებულ ჯანმრთელობის დაზღვევას. მისი მიზანია, ადამიანებს ჰქონდეთ წვდომა იმ სამედიცინო სერვისებსა და პირობებზე, რომლებიც მათთვის რეალურ და პრაქტიკულ ღირებულებას ქმნის.

„იმედი L აგრძელებს ისეთი ინიციატივების ხელშეწყობას, რომლებიც ადამიანებს აქტიური და ჯანსაღი ცხოვრების წესისკენ უბიძგებს. „თბილისიმარათონი“ სწორედ ასეთი ღონისძიებაა, რომელიც აერთიანებს ადამიანებს, ხელს უწყობს სპორტის პოპულარიზაციას და ხაზს უსვამს ჯანმრთელობაზე ზრუნვის მნიშვნელობას.

ჩვენი გუნდისთვის მნიშვნელოვანია არა მხოლოდ სპორტულ ინიციატივებში ჩართვა, არამედ მონაწილეების ჯანმრთელობაზე ზრუნვის მიმართულებით მხარდაჭერაც. გვჯერა, რომ ამ პარტნიორობით ადამიანებისთვის დამატებითი ღირებულების შექმნას შევძლებთ“, - აცხადებენ იმედი L-ში.

(R)