უკრაინის პრეზიდენტის, ვოლოდიმირ ზელენსკის განცხადებით, კიევში რეაქტიული დრონებისგან თავის დასაცავად 12-ზე მეტი კოშკურა უკვე დამონტაჟებულია, კიდევ რვის დამონტაჟება კი კიევის ოლქში იგეგმება.

გერმანიის კანცლერ ფრიდრიხ მერცთან ერთობლივ პრესკონფერენციაზე ზელენსკიმ უპასუხა ჟურნალისტის შეკითხვას, რომელიც რეაქტიული დრონებისგან თავდაცვას ეხებოდა და განაცხადა, რომ დედაქალაქში ავტომატური საბრძოლო მოდულების დამონტაჟება უკვე დაწყებულია.

“დავიწყეთ კოშკურების დამონტაჟება. დედაქალაქში უკვე დამონტაჟებულია 12-ზე მეტი კოშკურა, ახლა კიევის ოლქში დამატებით რვა “ორმოცდაათიანი” კოშკურა დამონტაჟდება“, - აღნიშნა ზელენსკიმ.

უკრაინული მედია განმარტავს, რომ საუბარია 50 კალიბრიანი ტყვიამფრქვევებისთვის განკუთვნილ ავტომატურ საბრძოლო მოდულებზე.