რუსეთს აქვს ყველა სადაზვერვო შესაძლებლობა იმისთვის, რომ საზღვრებთან სიტუაცია აკონტროლოს, - ამის შესახებ რუსეთის პრეზიდენტის პრესმდივანმა დიმიტრი პესკოვმა განაცხადა, როდესაც გამოეხმაურა მედიაში გავრცელებულ ინფორმაციას რუსეთის საზღვართან ახლოს ესტონეთის ჯარების შესაძლო განლაგებასთან დაკავშირებით.

„ეჭვი არ უნდა არსებობდეს, რომ ჩვენს თავდაცვის სამინისტროსა და სხვა შესაბამის სამსახურებს გააჩნიათ საჭირო სადაზვერვო შესაძლებლობები, რათა სათანადოდ აკონტროლონ და შეაფასონ ჩვენს საზღვრებთან არსებული ვითარება”, - აღნიშნა პესკოვმა.

მანამდე, გამოცემა Financial Times-მა გაავრცელა ინფორმაცია, რომ ესტონეთი „აქტიური თავდაცვის“ სტრატეგიის ფარგლებში, რუსეთის მხრიდან შესაძლო აგრესიისთვის მოსამზადებლად, ქალაქ ტაპადან იიჰვიში, რომელიც რუსეთის საზღვრიდან 50 კილომეტრში მდებარეობს, მნიშვნელოვან ბრიგადას გადაიყვანს.