უკრაინის პრეზიდენტ ვოლოდიმირ ზელენსკისა და საფრანგეთის პრეზიდენტ ემანუელ მაკრონს შორის სატელეფონო საუბარი შედგა.

„კარგი საუბარი მქონდა პრეზიდენტ ემანუელ მაკრონთან. მადლობა საფრანგეთს სრული მხარდაჭერისთვის. ჩვენ განვიხილეთ რუსეთის ტერორისტული ესკალაცია და ჩვენი თავდაცვითი საჭიროებები. თავდაცვის ახალი პაკეტები უკვე მზადდება და ველით, რომ უკრაინაში მალე ჩამოვა“, - წერს ზელენსკი X-ზე.

მისი თქმით, უახლოეს მომავალში უკრაინელი პილოტები საფრანგეთში ფრანგულ Rafale-ს ტიპის თვითმფრინავებზე წვრთნებს დაიწყებენ.

„ასევე, ჩვენი გუნდები მუშაობას განაგრძობენ უკრაინაში ფრანგული რაკეტებისა და საჰაერო ბომბების წარმოების შესახებ. FREYJA-ს სისტემას აქტიურად ვამზადებთ. შევთანხმდით, რომ უფრო დეტალურად ყველაფერს შეხვედრის დროს განვიხილავთ“, - აცხადებს უკრაინის პრეზიდენტი.